Vetrarklárt tékklisti:
- Tæma vatnstank, skrúfið lokið af að ofan og takið tappann úr.
- Vagnar með Truma miðstöð = opna kranana við hliðina á gasboilernum (þeir eiga að vísa upp þegar þeir eru opnir) og látið vatnið renna niður.
- Vagnar með Alde kerfi = opna kranana við hliðina á Alde stöðinni (þeir eiga að vísa upp þegar þeir eru opnir) og láta vatnið renna niður.
- Ef vagninn er geymdur úti þá skal loka vatnstanki og krönum við gasboiler og aldestöð og setja síðan neysluvatnsfrostlög á vatnstankinn, eftir að vagninn hefur verið vatnstæmdur og skrúfa fyrst frá heita vatninu til að láta löginn renna í gegnum kerfið.
- Tæma vatnskassa salernis með því að tappa af, setja frostþolinn rúðuvökva bæði á vatnskassann og í kasettuna.
- Láta vatnsdæluna ganga í 30 sek, láta hana dæla lofti (á sérstaklega við ef ekki er notaður neysluvatnsfrostlögur)
- Draga fyrir öll myrkvunartjöld (minnkar hitasveiflur og forðar sagga).
- Reisa sætispullur (loftar betur og forðar sagga).
- Hafa hurð á kæliskáp og frystihólfi opnar (einnig á bakaraofni ef hann er til staðar).
- Hafa skápahurðir opnar til að auðvelda loftflæði.
- Æskilegt er að láta blöndunartækin standa opin ef ekki er verið að nota neysluvatnsfrostlög.
- Stilla upp rakagildrum (ath gæti þurft að skipta um rakasand á tímabilinu)
- Aftengja gas og fjarlægja gaskúta og koma þeim á öruggan stað.
- Aftengja og fjarlægja rafgeymi og geyma á þurrum og heitum stað.
- Setja vetrarlokur á öndunarristar fyrir kæliskáp (ef geyma á vagninn utandyra).
- Skrúfa niður og stilla vel af stuðningslappir ef geyma á vagninn utandyra.
- Munið að kanna með tryggingamál hvar svo sem geyma á vagninn.
- Aftengja sólarselluna (svo hún valdi ekki skemmdum á stjórnborði og rafkerfi).Lokið tekið af
regulatornum og plúsinn+ er tekinn af (Regulatorinn er yfirleitt staðsettur inni í stóra fataskápnum, getur þó verið staðsettur á öðrum stað).
Við viljum benda á að það er hægt að láta gera ferðavagninn vetrarkláran á Verkstæði Víkurverks. Sparar tíma, fyrirhöfn og öruggt að allt þetta sé fagmannlega og rétt gert. Slík þjónusta er einnig skráð í þjónustubók ferðavagnsins. Tímabókanir í síma 5577720 og á verkstaedi@vikurverk.is
Nánari upplýsingar er einnig að finna í Vetrarhandbók Víkurverks sem hægt er að finna á heimasíðunni www.vikurverk.is
Ekki er tekin ábyrgð á innsláttarvillum.
Verð geta breyst án fyrirvara.
